سيارة أو حراج أو المعرض: من وين تشتري سيارتك المستعملة؟

ابدأ بسؤال واحد: مين البائع؟

في سيارة، البائع غالبًا الشركة نفسها، وأحيانًا معرض أو فرد يعرض سيارته على المنصة. صفحة السيارة تقول لك نوع الملكية، وهذا يغيّر شروط الإرجاع كما بنشرح تحت. في حراج، المنصة مكان للإعلان والتواصل فقط، والبائع صاحب الإعلان: فرد أو معرض. وفي المعرض، تتعامل مع منشأة لها سجل تجاري ومكان تقدر ترجع له.

اشترينا سيارتنا من سيارة في أكتوبر 2026، فجانب المنصة هنا من طلب حقيقي ووثائقه. ما اشترينا من حراج، فجانبه من شروطه المنشورة ومن خطوات المبايعة في أبشر. تفاصيل شرائنا في تجربتنا بالأرقام.

المقارنة في جدول

الجدول عام. الشروط اللي تحاسَب عليها هي المكتوبة لسيارتك أنت: صفحة السيارة في المنصة، أو ورقة يوقّعها البائع.

السعر النهائي، مو سعر الإعلان

ما نقدر نقول إن طريقة معيّنة أرخص دائمًا. إعلان حراج قد يكون أقل بآلاف، وقد تكون السيارة في المنصة بحالة أحسن أو ممشى أقل. قارن سيارتين متقاربتين في السنة والفئة والممشى، ثم احسب كل ريال بتدفعه حتى تصير السيارة باسمك.

في طلب جرّبناه في سيارة يوم 10 أكتوبر 2026، كان سعر السيارة 42,900 ريال. أضافت «تفاصيل السعر» نقل الملكية 875 ريالًا، والشحن 225، والمساعدة على الطريق 69، وضريبة الخدمات 152.85. وبعد خصم 500 ريال صار المجموع 43,721.85 ريال.

في حراج، تدفع السعر المتفق عليه، ثم رسوم نقل الملكية 150 ريالًا وأجور مبايعة أبشر 230 ريالًا، يعني 380 ريالًا. أضف عليها فحص الورشة، وتجديد الاستمارة أو الفحص الدوري إذا كانت منتهية. احسبها فيحاسبة نقل الملكية. والفرق اللي يبقى بعدها هو ثمن الفحص والضمان والإرجاع اللي ما راح تحصلها من فرد.

وإذا بتقسّط، قارن القسط والمبلغ الإجمالي في حاسبة التمويل، وافصله عن مقارنة السعر النقدي.

شروط سيارة بالأرقام

الفحص

كل سيارة مستعملة تمر بفحص من المنصة نفسها، أكثر من 200 نقطة. تقريرنا كان 217 نقطة، و12 ملاحظة كلها في الشكل والداخلية، منها رفرف معجون ومرشوش. الملخص كان ممتاز، والعيوب في التفاصيل. وتاريخ الفحص سبق الاستلام بثلاثة شهور.

الضمان

• الشروط تذكر ضمانًا مجانيًا 6 أشهر أو 10,000 كم، ويتمدد حتى 3 سنوات برسوم. وثيقتنا كانت 3 سنوات أو 60,000 كم.
• يغطي القطع الميكانيكية المتحركة: داخل المكينة، والقير، والدفرنس، وكمبروسر المكيف.
• ما يغطي الكهرباء ولا المواد الاستهلاكية ولا أضرار الحوادث ولا السحب.
• الحد 5,000 ريال لكل مطالبة. عطل بـ7,500 ريال يعني 2,500 عليك.
• أول صيانة خلال أسبوع من إصدار الضمان أو عند 1,000 كم. إذا فاتت، يسقط الضمان كله.

الإرجاع خلال 10 أيام

• تبدأ الأيام من تاريخ التسليم في بوليصة الشحن، وما تتجاوز 500 كم بعد الاستلام.
• السيارة بنفس حالتها: بدون تعديل أو ضرر أو حادث، وتسلّمها خلال 24 ساعة من الموافقة.
• السيارات المملوكة لسيارة يشملها الإرجاع. المملوكة لمعرض أو فرد فقط إذا سعرها 100,000 ريال أو أقل.
• ما فيه رسوم إرجاع، لكن يُخصم الشحن والتسجيل ونقل الملكية واللوحات والإضافات. في طلبنا التجريبي كان الخصم نحو 1,321.85 ريال.
• يرجع المبلغ خلال 14 إلى 28 يومًا بعد اعتماد الفحص.

سيارتنا كانت بـ108,100 ريال، فوق حد الـ100 ألف. لو كانت مملوكة لمعرض، ما كان شملها الإرجاع. شيّك نوع الملكية قبل الحجز.

الإلغاء قبل الاستلام

مبلغ الحجز يرجع إذا ما تأكد الحجز، خلال 14 يومًا كحد أقصى لنفس وسيلة الدفع. بعد التأكيد وقبل التوصيل تقدر تلغي عبر الرقم الموحد 920005379 أو البريد، واطلب التأكيد مكتوبًا. وإذا ألغت سيارة الطلب، ترجع لك كل المبالغ.

التوصيل

توصيل للباب في 26 مدينة، من 5 إلى 7 أيام عمل، والأيام تبدأ بعد الدفع والتأمين والتسجيل، مو من يوم الحجز. باقي المناطق بشحن سريع برسوم أعلى، أو تستلم من المعرض. الرسوم تظهر في تفاصيل السعر قبل ما توافق، والمشتري يستلم بنفسه بهويته.

متى يناسبك كل خيار؟

سيارة

إذا ما عندك خبرة في فحص السيارات، أو أنت في مدينة ثانية، أو تبي ضمانًا ومدة إرجاع مكتوبة. هذا اللي خلانا نشتري منها.

حراج

إذا عندك خبرة، أو معك شخص تثق فيه يفحص، أو تدور موديلًا نادرًا ما تلقاه في المنصات. التفاوض هنا خصمك، والمبايعة في أبشر تحميك لأن المبلغ ما يوصل للبائع إلا بعد النقل. وشروط حراج نفسها تطلب منك تفحص السلعة وتتأكد من هوية البائع.

المعرض

إذا تبي تشوف السيارة وتجربها اليوم، وتبي جهة لها مكان ثابت. اطلب أي ضمان أو وعد بالإرجاع مكتوبًا في الفاتورة، لأن الكلام الشفهي ما يفيدك بعد البيع.

أسئلة قبل ما تدفع

1. مين المالك المسجّل؟ وهل اسمه في الاستمارة هو اسم اللي يبيعك؟
2. وين تقرير الفحص؟ وكم تاريخه؟ وهل أقدر أوديها لورشة مستقلة؟
3. هل فيه ضمان مكتوب؟ كم مدته وحده، وإيش اللي ما يغطيه؟
4. هل أقدر أرجّعها؟ خلال كم يوم وكم كيلو، وكم يُخصم من المبلغ؟
5. كم المبلغ النهائي مع نقل الملكية والتوصيل والضريبة؟ اطلبه مكتوبًا.
6. هل على السيارة مخالفات أو رهن لجهة تمويل؟
7. هل الدفع عبر قناة رسمية؟ لا تحوّل لحساب شخصي، ولا تدفع قبل ما تشوف السيارة.

وعند السيارة نفسها، افتح قائمة فحص السيارة المستعملة وامشِ عليها بندًا بندًا.

إذا اخترت سيارة

هذا كود الإحالة اللي نزّل 500 ريال من طلبنا قبل الدفع:

وين تكتبه وإيش تسوي لو رفضه التطبيق، في صفحة كود خصم سيارة.